Psa 60 | YomNWM | STEP | Nkunga Davidi kuidi pfumu minyimbidi, kayimbidila mu “Lisi” mu diambu di longisa mu thangu kanuana mvita ayi basi Sili ba Mesopotami ayi basi Sili ba Tsoba, ayi mu thangu Yowabi kavutuka ayi kabedisa kumi mafunda muadi ma basi Edomi mu ndimba Mungu. Ngeyo wutulozidi, a Nzambi ayi wutusasikisidi ; wufuema vayi bika buabu wutufuanisa !

Psalms 60

Khama mambu, tuela nunga.

Nkunga Davidi kuidi pfumu minyimbidi, kayimbidila mu “Lisi” mu diambu di longisa mu thangu kanuana mvita ayi basi Sili ba Mesopotami ayi basi Sili ba Tsoba, ayi mu thangu Yowabi kavutuka ayi kabedisa kumi mafunda muadi ma basi Edomi mu ndimba Mungu.

1 Ngeyo wutulozidi, a Nzambi
ayi wutusasikisidi ; wufuema
vayi bika buabu wutufuanisa !
2 Ngeyo wunikuni ntoto ayi ngeyo wuvasudi wawu ;
londa miamvu miandi bila wulembo nikuka.
3 Ngeyo wumonisini batu baku zithangu ziozi zikambulu diana
wutuvana vinu kindiengisanga ntu.
4 Vayi kuidi bobo beti kukinzika ngeyo wutelimisi dalapo
mu diambu di batina va ntuala mimbasa.
5 Wutuvukisa ayi wutusadisa mu koko kuaku ku lubakala
muingi bobo weti zola bakulu.
6 Nzambi wuyoluka tona ku buangu kiandi kinlongo :
“mu ndungunu, ndiela vasa Sikemi,
ndiela teza ndimba wu Sikoti ;
7 Minu phuidi Ngaladi, ayi minu phuidi Manase ;
Efalayimi yawu nkaku wu ntu ama,
ayi Yuda nkawꞌama wu kipfumu ;
8 Mowabi diawu dibola diodi ndieti yobidila ;
va yilu Edoni ndiloza zisandales ziama
ndiela yamikina mu diambu di ndungunu ama mu basi Filisti !”
9 Nani wela kundata ku divula di ngolo e ?
Nani wela kuthuadisa ku Edoni e ?
10 Keti ngeyo, e Nzambi, ngeyo wutuloza e ?
Ngeyo wutuloza ayi wunkambu buela totukanga
ayi minkangu mi masodi meto.
11 Wutuvana lusadusu va ntuala mbeni
bila lusadusu lu mutu luidi luphamba.
12 A Nzambi, tuela nunga
ayi wela kosikisa bambeni zieto.